MODULI I. Diversiteti dhe gjithëpërfshirja

Në modulin e parë trajtohet koncepti i diversitetit dhe i gjithëpërfshirjes. Në këtë kontekst ofrohet informacion për grupet e ndryshme të fëmijëve që shpesh përjashtohen në mjedisin shkollor dhe më gjerë. Gjithashtu, moduli të jep mundësinë për të reflektuar mbi përmirësimin e tolerancës ndaj diversitetit dhe gjithëpërfshirjes.

MODULI II. Mjedisi gjithëpërfshirës dhe nxitës

Ky modul fokusohet në përkufizimin dhe të kuptuarit e gjithëpërfshirjës në shkollë duke analizuar njëkohësisht edhe konceptin e gjithëpërfshirjes dhe avantazhet e një mjedisi të tillë. Gjithashtu do të identifikohen dallimet mes një klase tradicionale dhe një klase gjithëpërfshirëse, si dhe të mundësuarin e një mësimdhënie të diferencuar sipas nevojave të nxënësve.

MODULI III. Bashkëpunimi me familjen dhe me komunitetin

Në këtë modul evidentohet rëndësia e bashkëpunimit mes familjes, komunitetit dhe shkollës. Fokusin e modulit e përbëjnë tematikat e lidhura me të drejtat dhe përgjegjësitë e prindërve dhe të mësuesve, si dhe në disa ide për të kapërcyar sfidat në komunikimin me prindër.

MODULI IV. Llojet e problematikave të nxënësve, nxënësit me aftësi ndryshe

Moduli i katërt fokusohet në tematika të lidhura me fëmijët me aftësi ndryshe dhe tek llojet më të shpeshta të problemeve që kanë fëmijët. Moduli ofron informacion të pasur që prej përkufizimit dhe klasifikimit të aftësive ndryshe te fëmijët, deri në dhënien e detajimeve të shkaqeve apo llojeve më të shpeshta të aftësive ndryshe.

MODULI V. Përdorimi i kompjuterëve dhe pajisjeve të tjera digjitale nga personat me aftësi ndryshe, sfidat në krijimin e një mjedisi të mësuari online

Në këtë modul ofrohet informacion për llojet e ndryshme të teknologjive dhe softuerëve që mund të përdoren në mësimdhënien online për të lehtësuar aksesin dhe të kuptuarin e fëmijëve me aftësi ndryshe fizike dhe mendore. Gjithashtu, evidentohen llojet e teknologjive ndihmëse si dhe disa këshilla për mënyrën se si materialet e përgatitura nga mësimdhënësit mund të jenë më të aksesueshme dhe të kuptueshme nga nxënësi.

MODULI VI. Krijimi i një klase virtuale gjithëpërfshirëse, adresimi i sfidave

Përgjatë modulit gjashtë jepen udhëzime specifike për ta bërë klasën online më gjithëpërfshirëse, duke u nisur nga faqja e internetit që do të përdoret dhe nga dokumentet dhe video, dhe duke vazhduar më tej edhe me disa metoda gjithëpërfshirëse të mësimdhënies.