Hartimi i materialeve mësimore digjitale

30+ kurse për të eksploruar

Gjej dhe ndiq pasionin tënd

Aftësohu me kurset e praktika.al

Kategorite

Kursi Hartimi i materialeve mësimore digjitale

Hartimi i materialeve mësimore digjitale

Ofruar nga Praktika.al

Edlira Kola

Për të gjithë mentorët në biznese

Falas me mbështetjen e projektit Aftësi për Punë

Çfarë përfshihet

Takime online mes pjesëmarrësve dhe trajnuesve.

Sondazhe, forume dhe prezantime dinamike në kurs që rritin interaktivitetin dhe nxitin pjesëmarrjen.

Suport teknik për çdo problem apo vështirësi të ndeshur.

Regjistrohu

kursi ofrohet Falas me mbështetjen e projektit Aftësi për Punë

Ofruar nga Praktika.al

Mbi Kursin

Të nxënit nuk duhet të konceptohet si një cikël i mbyllur dhe me sens unik, ku, në një klasë fizike, gjithçka buron nga mësuesi, i cili përcjell njohuritë te nxënësi dhe ky i fundit i riprodhon për t’i risjellë sërish në të njëjtin mjedis. Tashmë nuk flitet vetëm për mësim ballë për ballë, por edhe online ose në distancë, si dhe të kombinuar. Këto mënyra të reja të procesit të të nxënit kanë shtruar, edhe nevojën e një qasjeje të re ndaj materialeve mësimore, për t’i konceptuar dhe hartuar ato në një format të përshtatshëm për një version digjital. Hartimi i materialeve mësimore digjitale është sfidues, pasi procesi i të nxënit duhet të realizohet në mënyrë sa më interaktive duke marrë parasysh edhe mundësinë e të punuarit në mënyrë të pavarur nga ana e nxënësit. Disa pyetje ku fokusohet edhe ky trajnim online janë: si të hartojmë materiale cilësore dhe efektive digjitale? Si ta strukturojmë materialin mësimor në një formë të përshtatshme? Si t’i paraqesim ato në një mënyrë interaktive, përfshirëse dhe interesante?

Çfarë përfshihet

Takime online mes pjesëmarrësve dhe trajnuesve.

Sondazhe, forume dhe prezantime dinamike në kurs që rritin interaktivitetin dhe nxitin pjesëmarrjen.

Suport teknik për çdo problem apo vështirësi të ndeshur.

Përmbajtja

JAVA

2 orë

MODULI I. Materialet mësimore digjitale: rëndësia dhe kriteret që duhet të përmbushin

Cila është rëndësia e disponimit të materialeve mësimore digjitale dhe cilat janë kriteret që duhen t'u përmbahemi gjatë hartimit të tyre? Ky është fokusi i këtij moduli.

JAVA

2 orë

MODULI II. Përcaktimi i rezultateve të të nxënit dhe i përmbajtjes mësimore

Në këtë modul trajtohet përpilimi i rezultateve të të nxënit. Cilat elemente duhet të konsiderojmë gjatë formulimit dhe cilët komponentë duhet të përfshijmë në to?

JAVA

2 orë

MODULI III. Burimet e informacionit për materialet mësimore digjitale

Gjatë përgatitjes së materialeve mësimore, puna me eksplorimin dhe përzgjedhjen e informacionit në burime të ndryshme është sfiduese, veçanërisht kur bëhet fjalë për burime online. Një set kriteresh na vjen në ndihmë për të përzgjedhur burime të besueshme.

JAVA

2 orë

MODULI IV. Përshtatja e një teksti për materialin mësimor digjital

Si ta përshtatim një tekst për materialin mësimor digjital? Cilat aspekte duhet të konsiderojmë? Si ta bëjmë tekstin më lehtësisht të kuptueshëm për audiencën?

JAVA

2 orë

MODULI V. Mjetet ilustruese dhe mediave ndërvepruese në materialin mësimor digjital

Ky modul na aftëson në përdorimin e mjeteve të ndryshme të krijimit të përmbajtjes digjitale. Do të përvetësojmë se si të përzgjedhim dhe të përshtatim foto, video, organizues grafikë etj. në funksion të pasurimit dhe të rritjes së ndërveprimit në materialin mësimor digjital.

JAVA

2 orë

MODULI VI. Hartimi i instrumenteve të vlerësimit për materialet mësimore digjitale

Cilat instrumente vlerësimi mund të përfshijmë në materialin mësimor digjital? Si të përzgjedhim mes tyre? Si mund t'i ofrojmë ato në formë sa më interaktive? Ky është fokusi i këtij moduli.

JAVA

2 orë

MODULI VII. Përshtatja e një materiali mësimor për version digjital sipas skemës MAIPA

Në këtë modul do të aftësohemi në strukturimin e materialit mësimor digjital sipas skemës MAIPA, e cila mund të aplikohet lehtësisht edhe në ndërtimin e orës mësimore. Do të njihemi me avantazhet e zbatimit të saj dhe me mënyrat e ndryshme se si mund të paraqitet secili komponent.

Autorët e Kursit

Edlira Kola

Pedagoge në Fakultetin e Historisë dhe të Filologjisë, UT; eksperte pedagogjike pranë Praktika.a

Ofruar nga

Praktika.al

Praktika.al Praktika.al po punon për krijimin e një tregu të strukturuar të praktikave profesionale në Shqipëri mbështetur në programe inovative dhe cilësore që u ofrojnë të rinjve njohuritë dhe aftësitë që u duhen për tu rritur profesionalisht duke mundësuar kështu vlerë të shtuar në biznese.

Rezultatet pas përfundimit

Evidentimi i kritereve që duhet të përmbushin materialet mësimore digjitale

Identifikimi i burimeve të besueshme të informacionit për materialet mësimore digjitale

Përshtatja e një teksti të shkruar për version digjital

Përshtatja/përdorimi i mjeteve të krijimit të përmbajtjes digjitale

Hartimi i instrumenteve të vlerësimit për materialet mësimore digjitale

Strukturimi i materialit mësimor digjital sipas skemës MAIPA

Vlerësime

5 nga 5

Pyetjet e bëra më shpesh

Kompjuter/laptop, lidhje e qëndrueshme interneti, bllok shënimesh, stilolaps.

Trajnimi do të zhvillohet tërësisht online, duke kombinuar dy qasje - Asinkron: pjesëmarrësit avancojnë sipas ritmit të tyre në platformë, duke ndjekur videot, duke punuar me prezantime dinamike, duke dhënë inputin e tyre në forume, duke marrë pjesë në sondazhe dhe duke testuar njohuritë e marra në kuice dhe ushtrime. - Sinkron: 5 takime online mes pjesëmarrësve dhe trajnuesve, me qëllim diskutimin mbi paqartësitë apo vështirësitë e ndeshura gjatë punës.

Ke pyetje te tjera? Shkruaj ne info@praktika.al

Tutorial

Ndiq videon për të parë se si mund të ndjekësh kurset online në platformë.