MODULI I. Infrastruktura për mësimin e kombinuar dhe në distancë

Moduli i parë fokusohet në kombinimin dhe komponentët e infrastrukturës fizike dhe dixhitale. Njëkohësisht, bazuar në specifikat e infrastrukturës, realizohet një vlerësim dhe analizë e përzgjedhjes së pajisjeve teknologjike. Shembujt konkretë përqëndrohen në rastet e studimit duke evidentuar rolin që luan infrastruktura fizike dhe dixhitale.

MODULI II. Infrastruktura në shkollë dhe infrastruktura në kushtet e shtëpisë

Ky modul fokusohet në infrastrukturën fizike dhe digjitale të pranishme në mjediset e shkollës dhe të shtëpisë. Përgjatë kursit do të bëhet vlerësimi se si mund t’i asistojmë nxënësit gjatë të punuarit në shtëpi, por edhe disa konsiderata për nxënësit me aftësi të kufizuara.

MODULI III. Pajisjet dhe siguria e të dhënave personale

Moduli i tretë i kursit trajton mbrojtjen e të dhënave personale dhe konfidenciale gjatë procesit mësimor të kombinuar apo në distancë. Tematikat kryesore të modulit janë: dizenjimi i sigurisë, përgjegjësitë e përdorimit, si dhe sigurimi i të dhënave në një orë mësimi.

MODULI IV. Përshtatja e nevojave në kushtet e mungesës së infrastrukturës digjitale dhe asaj fizike

Moduli i katërt ndihmon për të kuptuar përshtatjen e nevojave në kushtet e mungesës së infrastrukturës fizike dhe digjitale, duke u trajtuar nëpërmjet çështjeve si: problemet dhe efektet e shkaktuara nga mungesa e pjesshme apo e plotë e infrastrukturës; dhënia e disa zgjidhjeve të mundshme për realizimin e mësimit në rastet e mungesës së infrastrukturës; si dhe sigurimin e rrjetit të internetit kur fondet janë të kufizuara.

MODULI V. Infrastruktura digjitale dhe cilësia e mësimdhënies së kombinuar dhe në distancë

Në këtë modul do të trajtohen tematika të lidhura me ruajtjen e cilësisë së procesit mësimor, të kombinuar apo në distancë, nëpërmjet teamtikave si: qasje mbi edukimin cilësor, si dhe ndikimet e infrastrukturës fizike dhe digjitale në cilësinë e arsimit