Moduli 1. Mentorimi dhe mentori

Cilat janë konceptet kyçe të mentorimit në biznes? Ku konsiston roli i mentorit dhe cilat janë përgjegjësitë e tij? Po vetë kompania, çfarë përfiton nga ofrimi i mentorimit? Këto janë kryesore që do të trajtohen në këtë modul.

Moduli 2. Aspektet ligjore të praktikave profesionale

Ky modul vendos në fokus aspektet formale të praktikës profesionale, në këndvështrimin e detyrimeve të mentorit, të përgjegjësive të praktikantit dhe të bashkëpunimit mes kompanisë dhe institucionit arsimor.

Moduli 3. Integrimi i praktikantit në vendin e punës

Integrimi i praktikanit është thelbësor në mbarëvajtjen e praktikës profesionale. Në këtë modul, do të mund të njiheni me hapat që rekomandohen të ndiqen që në momentin e përzgjedhjes së praktikantit dhe përgjatë ditëve të para të praktikës profesionale.

Moduli 4. Proceset e mentorimit

Në këtë modul do të mund të përfitoni njohuritë e nevojshme mbi proceset bazë të mentorimit. Do të përqëndroheni në aftësitë që duhet të nxjerrim në pah te praktikanti ynë, në vlerësimin dhe dokumentimin e ecurisë së tij, deri në momentin kur gjykojmë se praktikanit është gati për t’u punësuar.

Moduli 5. Ndërtimi i kulturës së punës dhe menaximi i konflikteve

Roli i mentorit në biznes nuk konsiston vetëm në përcjelljen e aftësive profesionale te praktikanti. Në këtë modul, do të mund të aftësohemi se si të ndërtojmë një kulture pune të bazuar në besim, inkurajim, frymëzim dhe zgjidhje efektive konfliktesh të mundshme, si elemente po aq të rëndësishëm të praktikës profesionale.