MODULI I. Karakteristikat kryesore të mësimit të bazuar në probleme. Kur të mësuarit fillon me një problem.

Moduli i parë trajton konceptin dhe karakteristikat kryesore të metodës së mësimit të bazuar në probleme, historikun e përdorimit të saj, strategjitë e formimit të grupeve funksionale, si dhe avantazhet që kjo metodë ofron në krahasim me metodat e tjera të mësimdhënies, qofshin ato tradicionale apo bashkëkohore.

MODULI II. Projektimi dhe zbatimi i mësimit të bazuar në probleme

Në këtë modul njihemi më në detaje me mënyrën se si të zbatojmë në praktikë këtë metodë mësimi, elementet më të rëndësishëm të saj, hapat e procesit të mësimit të bazuar në probleme, si dhe rolin e mësuesit apo nxënësit në të.

MODULI III. Përshtatja e kurrikulës së zbatuar së lëndës dhe vlerësimi i nxënësve në mësimin e bazuar në probleme

Ky modul fokusohet në pjesën praktike të mësimit të bazuar në probleme dhe veçanërisht në mënyrat e vlerësimit të punës së nxënësve nga mësuesi. Një vëmendje të veçantë në këtë i është kushtuar disa prej parimeve bazë në lidhje me përshtatjen e kurrikulës së lëndës ose pjesëve të saj për këtë metodë mësimdhënieje.