MODULI I. Kuptimi, parimet, përfitimet dhe sfidat

Në këtë modul përfitohen njohuritë bazë mbi mësimin e kombinuar, si një modalitet bashkëkohor, i mbështetur në gërshtetimin e veprimtarive të kryera në mënyrë tradicionale ballë për ballë me ato që zhvillohen online. Gjithashtu identifikohen përfitimet kryesore të mësimit të kombinuar, si dhe sfidat e tij.

MODULI II. Modelet e mësimit të kombinuar

Moduli i dytë fokusohet në disa prej modeleve kryesore të mësimit të kombinuar. Përgjatë modulit trajtohen tiparet e tyre, mënyra se si realizohen, si dhe avantazhe e disavantazhe që këto modele paraqesin.

MODULI III. Konteksti virtual i mësimit të kombinuar

Në këtë modul trajtohet koncepti i mjedisit mësimor virtual së bashku me parimet mbi të cilat mbështetet ky mjedis, avantazhet e tij, disavantazhet, si dhe sfidat në përdorim. Gjithashtu eksplorohen burimet e hapura edukative dhe mjetet e ndryshme digjitale të cilat ndihmojnë në implementimin e suksesshëm të mësimit të kombinuar.

MODULI IV. Mësimi i kombinuar në praktikë: planifikimi, vlerësimi dhe përdorimi i të dhënave

Moduli i katërt fokusohet në disa aspekte praktike të mësimit të kombinuar, si në: planifikimin e tij, procesin e vlerësimit në mësimin e kombinuar, si dhe në mbledhjen e të dhënave të vlefshme nëpërmjet aplikimit të këtij modaliteti të nxëni, me qëllim përmirësimin e procesit mësimor në tërësi.

MODULI V. Mësimi i kombinuar dhe aftësimi digjital i nxënësve për tregun e punës: si mund të kontribuojë mësimdhënësi?

Në këtë modul trajtohet roli që luan aplikimi i mësimit të kombinuar në aftësimin digjital të nxënësve, efektet e tij në përvojën digjitale të nxënësve, aftësitë që kërkohen sot në tregun e punës; ndikimin e aplikimit të mësimit të kombinuar në konsolidimin e aftësive digjitale, si dhe rolin që mund të kenë mësimdhënësit në aftësimin digjital të nxënësve.