MODULI I. Domosdoshmëria e vlerësimit të nxënësve

Në këtë modul analizohet domosdoshmëria e vlerësimit për nxënësit, si dhe identifikohen dokumentet e vlerësimit që lidhen me nxënësin. Moduli trajton gjithashtu parimet e vlerësimit për nxënësin.

MODULI II. Vlerësimi formues/i vazhdueshëm

Ky modul vendos në fokus treguesit zyrtarë të vlerësimit të nxënësve që përdoren në institucionet e AFP-së, përmbajtjen e vlerësimit formues, si dhe metoda dhe teknika të vlerësimit formues. Do të mund të aftësohemi edhe në krahasimin mes vlerësimit formues dhe llojeve të tjera të vlerësimit.

MODULI III. Vlerësimi diagnostikues

Nëpërmjet këtij moduli, do të analizojmë rëndësinë e përdorimit të vlerësimit diagnostikues, si dhe do të evidentojmë metodat dhe teknikat e përdorura në kuadër të këtij vlerësimi.

MODULI IV. Vlerësimi si matje

Në këtë modul do të mund të përfitoni njohuri mbi konceptin e vlerësimit si matje, duke bërë dallimet mes tij dhe vlerësimit si proces. Njëkohësisht, do të aftësoheni në drejtim të formave të vlerësimit përfundimtar që zhvillohen në shkollat e AFP-së.

MODULI V. Teknika të vlerësimit formues

Moduli trajton rëndësinë e përdorimit të metodave dhe teknikave të vlerësimit formues, dallimet midis teknikave të vlerësimit formues me atë përfundimtar, si dhe teknika të njëjta që mund të shërbejnë, si për vlerësimin formues, edhe për atë përfundimtar.

MODULI VI. Metoda dhe teknika online të vlerësimit të nxënësit

Fokusi i këtij moduli janë platformat online MësoVET, platformat Google Classroom dhe Google meet, si dhe përdorimi i e-forms për hartimin e testeve online. Do të njihemi gjithashtu me teknika digjitale të vlerësimit të nxënësit, si dhe do të diskutojmë mbi vlefshmërinë e vlerësimit online.